Top Ad unit 728 × 90

Breaking News

random

நூற்றுக் கணக்கானோரை ஒன்றிணைத்து கொழும்பை முற்றுகையிடுவோம்! ஞானசாரர் விடுத்துள்ள எச்சரிக்கை

கொழும்பு துறைமுகத்தின் கிழக்கு முனைய விவகாரம் தொடர்பில் எழுந்துள்ள சர்ச்சைக்கு எதிர்வரும் செவ்வாய்கிழமை அரசாங்கம் உரிய தீர்வை வழங்காவிட்டால் ஆயிரக்கணக்கான பௌத்தமத குருமார்களை ஒன்றிணைத்து கொழும்பை சுற்றிவளைப்போம் என பொதுபல சேனா அமைப்பின் பொதுச் செயலாளர் கலகொட அத்தே ஞானசார தேரர் எச்சரிக்கை விடுத்துள்ளார்.

கொழும்பு துறைமுகத்தில் முன்னெடுக்கப்படுகின்ற போராட்டத்தில் கலந்து கொண்டு கருத்து தெரிவிக்கும் போதே அவர் இவ்வாறு தெரிவித்துள்ளார்.

அங்கு அவர் தொடர்ந்தும் கருத்துத் தெரிவிக்கையில்,

கடந்த அரசாங்கத்தில் கிழக்கு முனையம் தொடர்பில் ஒப்பந்தம் செய்வதற்கு முயற்சிக்கப்பட்ட போதிலும் அதனை முதுகெலும்புள்ள முன்னாள் ஜனாதிபதி மைத்திரிபால சிறிசேன நிராகரித்தார்.

ஆனால் தற்போதுள்ள ஒப்பந்தத்தில் நூற்றுக்கு 51 சதவீதம் ஸ்ரீலங்காவுக்கும் 49 சதவீதம் ஏனைய கம்பனிகளுக்கும் என்று குறிப்பிடப்பட்டுள்ளது. இந்த 51 சதவீதத்திற்குள் இரு கம்பனிகள் உள்ளடங்குகின்றன.

அந்த இரு கம்பனிகள் ஜோன்ஸ்டனுடையதா ? பி.பி.ஜய சுந்தரவினுடையதா ? அல்லது நாமலுடையதா ? என நாட்டுக்கு வெளிப்படுத்துங்கள். ஏன் அரசாங்கம் இது பற்றி தெளிவான நிலைப்பாட்டை வெளிப்படுத்த தாமதிக்கிறது ? தேர்தலுக்கு முன்னர் இதனை வெளிப்படுத்துங்கள் எனவும் அவர் தெரிவித்துள்ளார்.

அத்துடன் ராஜபக்ஷக்களின் இராணுவத்தினரைக் கண்டு தாம் அஞ்சப் போவதில்லை என்றும் குறிப்பிட்டார்.

மேலும் தேர்தலுக்கு முன்னர் அரசாங்கமும் எதிர்கட்சிகளும் தமது நிலைப்பாட்டை வெளிப்படுத்தினால் எஞ்சியுள்ள இரு தினங்களில் மக்களுக்கு சுதந்திரமாக சிந்தித்து வாக்களிக்க முடியும்.

உள்நாட்டு துறைமுக சேவையாளர்களுக்கு இங்கு அனைத்து சேவைகளையும் ஆற்ற முடியுமாக இருக்கின்ற போதிலும் ஏன் வெளிநாட்டுக்கு விற்க முனைகிறீர்கள் ? இதன் பின்னணியில் யார் உள்ளனர் ? அரசாங்கம் இவ்வாறு செயற்பட்டால் மூன்றில் இரண்டு மாத்திரமல்ல. தற்போதுள்ள பெரும்பான்மையும் இல்லாமல் போகும். தேசிய சொத்தினைப் பாதுகாப்பதற்காக அனைவரும் ஒன்றிணைந்துள்ளனர்.

இந்த பிரச்சினைக்கு தேர்தலுக்கு முன்னர் அரசாங்கம் பதிலளிக்கவில்லை என்றால் நூற்றுக்கணக்கான பௌத்த மத குருமார்களை ஒன்றிணைந்து கொழும்பை சுற்றி வளைப்போம். ராஜபக்ஷக்களின் இராணுவத்திற்கு நாம் அஞ்சப் போவதில்லை. எம்மால் தான் அவர்கள் அந்த நிலைமையில் உள்ளனர் எனவும் தெரிவித்துள்ளார்.
நூற்றுக் கணக்கானோரை ஒன்றிணைத்து கொழும்பை முற்றுகையிடுவோம்! ஞானசாரர் விடுத்துள்ள எச்சரிக்கை Reviewed by admin on 19:07:00 Rating: 5

No comments:

All Rights Reserved by Live LK © 2020

Contact Form

Name

Email *

Message *

Powered by Blogger.