சென்னையில் குழந்தைகளைக் கடத்தி பல இலட்சம் ரூபாய்க்கு விற்கப்படுவதாக சமீபத்தில் ஒரு ஒலிப்பதிவு வெளியானது.
அதில் குழந்தை விற்பனை தொடர்பான உரையாடல்கள் இருந்தன. இதனை வைத்து தனிப்படை பொலிஸார் தீவிர விசாரணை நடத்தினர். இந்த நிலையில் குழந்தைகள் கடத்தலில் தொடர்பு உள்ளதாக வித்யா என்ற இளம் பெண்ணை புழல் பொலிஸார் கைது செய்தனர்.
சென்னை மற்றும் புறநகர் பகுதிகளில் குழந்தைகளைக் கடத்தி குழந்தை இல்லாத தம்பதிகளிடம் ரூ.10 இலட்சம் முதல் ரூ.15 லட்சம் வரை பேரம் பேசி விற்பனை செய்து வந்தது தெரிந்தது.
சந்தேக நபரிடம் நடத்தப்பட்ட விசாரணையில் கிடைத்த தகவலின்படி அம்பத்தூர், ஒடகடம் பகுதியில் கடத்தி வைக்கப்பட்டு இருந்த 2 குழந்தைகளை பொலிஸார் அதிரடியாக மீட்டனர்
இந்தக் குழந்தைகள் கடத்தல் பெரிய குழுவாக பல நாட்களாக செயற்பட்டு வந்து இருக்கலாம் என்று பொலிஸார் சந்தேகிக்கின்றார்கள்.
இது தொடர்பாக பிடிபட்ட சந்தேக நபரிடம் குழந்தைகள் கடத்தல் தொடர்பில் உள்ள மற்ற நபர்கள் குறித்து பொலிஸார் தீவிர விசாரணை நடத்தி வருகிறார்கள்.