கொடைக்கானல் மலையில் மறைந்த ரகசியம்: ஒரு கள்ளக்காதல் கொலைதேனி மாவட்டத்தைச் சேர்ந்த சக்ரவர்த்தி, மனைவியுடன் ஏற்பட்ட கருத்து வேறுபாட்டால் வீட்டை விட்டு வெளியேறி, கொடைக்கானலின் அழகிய மலைகளுக்கு இடம்பெயர்ந்தார்.
இது உண்மை சம்பவத்தை அடிப்படையாக கொண்டு புனையப்பட்ட கிரைம் கதை. ஆதலால், இடம் மற்றும் பெயர்கள் மாற்றப்பட்டுள்ளன.
அங்கு, விவசாய வேலைகளில் ஈடுபட்டு, தனிமையில் நாட்களைக் கழித்து வந்தார். இந்தத் தனிமையில் அவருக்கு அறிமுகமானவர் ஸ்பென்ஸி ராணி. ஆரம்பத்தில் நட்பாகத் தொடங்கிய அவர்களின் உறவு, ஸ்பென்ஸியின் அன்பான அரவணைப்பாலும், உணவு பகிர்ந்து கொடுத்த தயவாலும் படிப்படியாக நெருக்கமானது.
ஆனால், இந்த நட்பு விரைவில் கள்ளத்தொடர்பாக மாறியது. ஸ்பென்ஸிக்கு ஏற்கனவே திருமணமாகி, குழந்தைகள் இருந்த போதிலும், சக்ரவர்த்தி அவரது அரவணைப்பில் மயங்கினார். இருவரும் விவசாயத் தோட்டங்களில் அடிக்கடி உல்லாசமாக இருந்து வந்தனர்.
நாட்கள் செல்ல, சக்ரவர்த்தி திடீரென காணாமல் போனார். கொடைக்கானல் மக்களுக்கு அவரது சொந்த ஊர் தேனி என்பது தெரிந்திருந்ததால், பலரும் அவர் ஊருக்குத் திரும்பியிருக்கலாம் என எண்ணி விசாரிக்கவில்லை. ஆனால், உண்மை வேறு விதமாக இருந்தது.
சமீபத்தில், மணிகண்டன் மற்றும் முருகன் என்ற அண்ணன்-தம்பிகளுக்கு இடையே ஏற்பட்ட தகராறு, மணிகண்டன் முருகனின் காரை எரித்த சம்பவத்திற்கு வழிவகுத்தது.
இதனால், முருகன் காவல் நிலையத்தில் புகார் அளிக்க, மணிகண்டனை காவல்துறை கைது செய்தது. ஆனால், விசாரணையின்போது மணிகண்டன் வெளியிட்ட தகவல்கள் அனைவரையும் அதிர்ச்சியில் ஆழ்த்தின. காரை எரித்த வழக்கிற்காக அழைத்துச் செல்லப்பட்டவன், திடீரென சக்ரவர்த்தியின் கொலை குறித்து உளற ஆரம்பித்தான்.
“நான் ஒரு தவறும் செய்யவில்லை, அவர்கள் தான் திட்டமிட்டார்கள்!” என்று கூறி, ஒரு பயங்கரமான ரகசியத்தை வெளிப்படுத்தினான்.விசாரணையில், சக்ரவர்த்தியின் கள்ளத்தொடர்பு மற்றும் அதன் பின்னணியில் நடந்த கொடூரமான சம்பவங்கள் ஒவ்வொன்றாக வெளிவந்தன.
சக்ரவர்த்தி, ஸ்பென்ஸி ராணியுடன் உறவில் இருந்தபோது, அவரை தனது மனைவியாகவே கருதி, அவரது குடும்பத்தினரிடம் ஆதிக்கம் செலுத்தத் தொடங்கினார். ஸ்பென்ஸியின் தங்கை சாந்தி, மணிகண்டனுடன் கள்ள உறவில் இருந்ததைப் பார்த்து, சக்ரவர்த்தி அவளைக் கண்டித்தார். ஆனால், விரைவில் அவரது உண்மையான நோக்கம் வெளிப்பட்டது.
“நீ மணிகண்டனுடன் இருப்பதை வெளியே சொல்லாமல் இருக்க வேண்டுமென்றால், என்னுடன் உல்லாசமாக இரு,” என்று சாந்தியை மிரட்டி, அவளையும் தனது ஆசைக்கு இணங்க வைத்தார்.இதை அறிந்த ஸ்பென்ஸி ராணி, தனது கள்ளக்காதலன் தனது தங்கையையும் ஏமாற்றியதைக் கேட்டு கோபமடைந்தார். சக்ரவர்த்தியை அழைத்து கண்டித்தபோது, அவர் மன்னிப்பு கேட்டாலும், மீண்டும் சாந்தியை அணுகி, ஸ்பென்ஸியை தவிர்க்க ஆரம்பித்தார்.
இதனால் ஆத்திரமடைந்த ஸ்பென்ஸி, தனது தங்கை சாந்தியுடன் சேர்ந்து, சக்ரவர்த்தியை அழிக்க ஒரு திட்டம் தீட்டினார்.சாந்தியின் கைபேசி மூலம் சக்ரவர்த்தியைத் தொடர்பு கொண்ட ஸ்பென்ஸி, “என்னை மன்னித்துவிடு, உன்னை வெறுக்கவில்லை. நாங்கள் இருவரும் உனக்காகக் காத்திருக்கிறோம்,எங்க ரெண்டு பேரையும் திருப்தி படுத்துங்க மாமா.. ” என்று இனிமையாகப் பேசி, அவரை மயக்கினார்.
இதை நம்பி, மதி மயங்கி சென்ற சக்ரவர்த்தி, ஸ்பென்ஸி, சாந்தி மற்றும் மணிகண்டனால் சூழ்ச்சியாகக் கொலை செய்யப்பட்டார். அவர்கள் மூவரும் சேர்ந்து, சக்ரவர்த்தியை கொடைக்கானலின் 600 அடி பள்ளத்தில் தூக்கி வீசி, சந்தேகம் வராதவாறு கனகச்சிதமாக இந்தக் கொலையை மறைத்தனர்.
ஐந்து மாதங்களுக்கு முன் நடந்த இந்தக் கொடூரச் சம்பவம், மணிகண்டனின் கார் எரிப்பு வழக்கு விசாரணையில் தற்செயலாக வெளிச்சத்திற்கு வந்தது. சக்ரவர்த்தியின் மரணத்திற்குப் பின்னால் இருந்த கள்ளக்காதல், மோசடி, மற்றும் பழிவாங்கல் ஆகியவை, கொடைக்கானல் மலையின் அமைதியான முகத்திரையை கிழித்து, ஒரு பயங்கரமான உண்மையை வெளிப்படுத்தியது. காவல்துறை இப்போது இந்த வழக்கை மேலும் ஆழமாக விசாரித்து வருகிறது