இதுகுறித்து பெற்றோரிடம் புகார் பதிவு செய்யப்பட்டதைத் தொடர்ந்து, போலீஸார் அவரை கைது செய்து, சிறப்பு சட்டமான போக்சோ (புரோடெக்ஷன் ஆஃப் சில்ட்ரன் பிரம் செக்ஷுவல் ஆபென்ஸ் ஆக்ட்) வழக்கு பதிவு செய்துள்ளனர்.
அந்த மாணவி, ரவிக்குமாரின் வீட்டிற்கு பழக்கமாக வந்து சென்றதாகத் தெரிகிறது. அவர் அந்தச் சிறுமியுடன் நகைச்சுவையுடன் பேசி, சினிமா பாடல்களுக்கு இணைந்து நடனமாடுவது போன்ற செயல்களில் ஈடுபட்டதாகக் கூறப்படுகிறது.
இந்நிலையில், சம்பவத்தன்று மாலை அந்த மாணவி வீட்டிற்கு சென்றபோது, வீட்டில் யாரும் இல்லாத நேரத்தைப் பயன்படுத்திக் கொண்டு, ரவிக்குமார் அவளுக்கு முத்தம் கொடுத்ததோடு, பாலியல் அத்துமீறலில் ஈடுபட்டதாகப் புகார் தெரிவிக்கிறது.
அத்துமீறலுக்குப் பின், வீட்டில் யாரிடமும் சொல்லக்கூடாதென்று அவளை மிரட்டியதாகவும் கூறப்படுகிறது. இரவு வீடு திரும்பிய மாணவி, சோகமும் சோர்வும் காட்டியதால், அவரது சகோதரர் உடல்நிலை குறித்து விசாரித்தார்.
அப்போது, வீட்டின் உரிமையாளர் ரவிக்குமார் செய்த அத்துமீறல்களால் கழுத்துப் பகுதியில் வலி ஏற்பட்டதாக அவள் தெரிவித்தார். இதைக் கேட்டு அதிர்ச்சியடைந்த சகோதரர், உடனடியாக கோவை மத்திய அனைத்து மகளிர் காவல் நிலையத்தில் புகார் அளித்தார்.
புகாரின் அடிப்படையில், போலீஸார் போக்சோ சட்டத்தின் கீழ் வழக்கு பதிவு செய்தனர். ரவிக்குமாரை கைது செய்து, அவரை நீதிமன்றத்தில் ஆஜர்படுத்திய போலீஸார், அவரை கோவை மத்திய சிறையில் அடைத்தனர்.
மேலும், அவரது செல்போனில் இருந்து வேறு சில பெண்களுடன் நடனமாடும் வீடியோக்களை கைப்பற்றியுள்ளனர். அந்த வீடியோக்களில் மது பாட்டிலுடன் ரவிக்குமார் மற்றும் பெண்கள் இணைந்து நடனமாடும் காட்சிகள் இருப்பதாகத் தெரிகிறது.
இந்த வீடியோக்களை யார் எடுத்தது என்பது குறித்தும், மற்றொரு பாலியல் அத்துமீறல் சம்பவங்களா என்பது குறித்தும் போலீஸார் விரிவான விசாரணை நடத்தி வருகின்றனர்.
இச்சம்பவம், குழந்தைகள் பாதுகாப்பு தொடர்பான விழிப்புணர்வை மீண்டும் ஏற்படுத்தியுள்ளது. போலீஸ் அதிகாரிகள், பாதிக்கப்பட்ட மாணவியின் உடல்நலம் மற்றும் மனநலத்தைப் பேணுவதற்கான நடவடிக்கைகளையும் எடுத்து வருவதாகத் தெரிவித்துள்ளனர்.