இறந்து கிடந்த கணவன்.. விசாரணையில் கிடைத்த நடிப்பு ராணியின் குலைநடுங்க வைக்கும் தகவல்..!

 திருப்பத்தூர் மாவட்டம், வாணியம்பாடி அருகே நாட்றம்பள்ளி, நாயனசெருவு பகுதியைச் சேர்ந்த கூலித்தொழிலாளி விஜயன் (29) கடந்த மார்ச் 17, 2025 அன்று இரவு தூங்கிக் கொண்டிருந்தபோது கொலை செய்யப்பட்ட சம்பவம் பரபரப்பை ஏற்படுத்தியுள்ளது. 

விஜயனின் மனைவி வெண்ணிலா (25) உட்பட 6 பேர் இந்தக் கொலையில் ஈடுபட்டதாக வாணியம்பாடி நகர காவல் துறையினர் கைது செய்துள்ளனர். விஜயன் மற்றும் வெண்ணிலாவுக்கு 2 வயதில் ஒரு பெண் குழந்தை உள்ளது. 

விஜயனின் மரணத்தில் சந்தேகமடைந்த உறவினர்கள், திம்மாம்பேட்டை காவல் துறையினருக்கு தகவல் தெரிவித்தனர். இதையடுத்து, சடலம் கைப்பற்றப்பட்டு, வேலூர் அரசு மருத்துவக் கல்லூரி மருத்துவமனையில் பிரேத பரிசோதனைக்கு அனுப்பப்பட்டது. 

பிரேத பரிசோதனை அறிக்கையில், விஜயனின் கழுத்து நெரிக்கப்பட்டு, மூச்சுத் திணறடிக்கப்பட்டு கொலை செய்யப்பட்டது உறுதியானது. இதனைத் தொடர்ந்து, வாணியம்பாடி நகர காவல் துறையினர் வெண்ணிலாவின் செல்போன் அழைப்புகளை ஆய்வு செய்து, விசாரணையை தீவிரப்படுத்தினர்.

விசாரணையில், வெண்ணிலாவுக்கும், அதே பகுதியைச் சேர்ந்த சஞ்சய் (20) என்ற இளைஞருக்கும் கள்ள உறவு இருந்தது தெரியவந்தது. சஞ்சய், பிப்ரவரி 2025 முதல் சிங்கப்பூரில் தனியார் நிறுவனத்தில் பணிபுரிந்து வந்தார். 

இருப்பினும், வெண்ணிலாவுடன் செல்போனில் தொடர்ந்து தொடர்பில் இருந்துள்ளார். இதுகுறித்து அறிந்த விஜயன், மனைவியை எச்சரித்ததால், வெண்ணிலா ஆத்திரமடைந்து, சஞ்சயுடன் இணைந்து கணவனைக் கொலை செய்ய திட்டமிட்டார். 

சஞ்சய், தனது நண்பர்களான சக்திவேல் (23), நந்தகுமார் (19), அழகிரி (19), சபரி வாசன் (19) மற்றும் 17 வயது சிறுவன் ஆகியோரை இந்தக் கொலைக்கு ஏற்பாடு செய்தார்.மார்ச் 17 இரவு, வெண்ணிலா கதவைத் திறந்து ஐந்து பேரையும் உள்ளே அழைத்தார். 

ஆறு பேரும் சேர்ந்து, தூங்கிக் கொண்டிருந்த விஜயனின் கை, கால்களைப் பிடித்து, கழுத்தை நெரித்து, தலையணையால் முகத்தை அழுத்தி கொலை செய்தனர். 

பின்னர், ஐந்து பேர் தப்பியோட, வெண்ணிலா உறவினர்களிடம் கணவர் இறந்துவிட்டதாக நாடகமாடினார். விசாரணையில் உண்மை வெளியாக, வெண்ணிலா உட்பட ஆறு பேரும் கைது செய்யப்பட்டனர். வழக்கு தொடர்ந்து விசாரிக்கப்படுகிறது.