செவ்வாய்க்கிழமை பிற்பகல் கல்னேவ கலங்குட்டிய பகுதியில் நடந்த ஒரு பயங்கர விபத்தில் 20 வயது பெண் ஒருவர் சம்பவ இடத்திலேயே உயிரிழந்தார், மேலும் ஐந்து பயணிகள் படுகாயமடைந்தனர்.
இறந்த பெண்ணின் காதலன் முச்சக்கர வண்டியை ஓட்டிச் சென்றார். அவரது வலது கால் உடைந்து இடது காலின் கீழ் பகுதி துண்டிக்கப்பட்டதாக கல்னேவ பொலிசார் தெரிவித்தனர்.
விஜிதபுர புளியங்குளம் பகுதியைச் சேர்ந்த ஒரு குடும்பம் இந்த பயங்கர விபத்தில் சிக்கியுள்ளது. இறந்த பெண்ணின் தாய், தந்தை, சகோதரி மற்றும் சகோதரியின் குழந்தை ஆகியோர் பலத்த காயங்களுடன் அனுராதபுரம் பொது மருத்துவமனையில் சிகிச்சை பெற்று வருகின்றனர்.
இறந்த தசந்தி நேத்மா பெரேரா, கலாவெவ பகுதியைச் சேர்ந்தவர். அவரது காதலன் கண்டி, ஹுன்னஸ்கிரியவை சேர்ந்தவர். கொழும்பு மகசின் சிறைச்சாலையில் பணிபுரியும் 25 வயது சிறைச்சாலை உத்தியோகத்தர். அவர் பாட குருல்லோ என்ற தொலைக்காட்சி நாடகத்தின் இணை இயக்குனர். இருவரும் காதலித்து வந்தனர். அவர்களின் திருமணத்திற்கான சுப நிகழ்வுகளில் கலந்து கொள்ள கல்னேவவின் கலங்குட்டியவுக்குச் சென்று கொண்டிருந்தனர். இறந்த தசாந்தியின் தந்தையின் உடல்நிலை கவலைக்கிடமாக இருப்பதாக மருத்துவமனை வட்டாரங்கள் தெரிவிக்கின்றன.
விபத்து குறித்து கல்னேவ பொலிசார் மேலதிக விசாரணைகளை மேற்கொண்டு வருகின்றனர்.