மத்தியகிழக்கில் ஏற்பட்ட பதற்றம்-இலங்கை விமானங்களில் ஏற்பட்ட அதிரடி மாற்றம்..!

 கிழக்கு நாடுகளுக்குச் சென்ற ஐந்து ஸ்ரீலங்கன் ஏயார்லைன்ஸ் விமானங்கள் வேறு விமான நிலையங்களுக்கு திருப்பி விடப்பட்டுள்ளன.

அதன்படி, மஸ்கட் விமான நிலையம் மற்றும் டுபாய் விமான நிலையத்திற்கு தலா இரண்டு விமானங்கள் திருப்பி விடப்பட்டுள்ளன, அதே நேரத்தில் ஒரு விமானம் ரியாத் விமான நிலையத்திற்கு திருப்பி விடப்பட்டுள்ளதாக தெரிவிக்கப்பட்டுள்ளது.

இதற்கிடையில், பிட்ஸ் ஏயார் விமானம் டுபாய்க்கு திருப்பி விடப்பட்டுள்ளது.

இந்த விமானங்கள் குவைத், அபுதாபி மற்றும் டோஹாவுக்கு பறந்து கொண்டிருந்ததாக சிவில் விமானப் போக்குவரத்து அதிகாரசபை தெரிவித்துள்ளது.

இதேவேளை இலங்கையில் தரையிறங்க ஏதேனும் விமானங்கள் கோரினால், மத்தள விமான நிலையம் மற்றும் கட்டுநாயக்க விமான நிலையம் தயாராக இருப்பதாக சிவில் விமானப் போக்குவரத்து அதிகாரசபை தெரிவித்துள்ளது.